美華海鮮酒家
地址：白雲區三元里大道269號
電話：020-86576022
人均：50元起
搵食推介：琵琶鴨、黃鱔飯
搵食辣評：
新美華，老酒家，一直以價廉物美著稱，從河南舊址搬到三元里一直幫襯他家，雖然不是經常過來但間中不斷。地處三元里，交通十分方便，環境都幾好，味道好穩定，價錢經濟實惠。四位香茗，甘香清醇；琵琶鴨 28元/只，皮脆肉嫩，不肥不膩；黃蟮飯 48元/煲，蝦眼飯鱔味足，可供四人份量，很正很抵。普遍20—30元/菜，街坊生意，平民飯堂。
和馨酒家
地址：白雲區西槎路129號(駿盈廣場後座)
電話：020-26478838
人均：35元起
搵食推介：清香雞、客家釀豆腐、滷水掌翼
搵食辣評：
酒家設二樓，地方都算幾大環境絕對OK，衛生乾淨服務都不錯，最令人是價錢抵到你吾信，五菜一主食埋單160元，茗茶 2元/位；清香雞 48元/只，雞質普通調味吾錯不過不失；清蒸鯇魚 28元/條，味鮮肉嫩；客家釀豆腐 20元/例，肉香豆腐滑好味；滷水掌翼 28元/例，份量足味道算可以；生炒菜心 18元/例，味道略爲遜色一些；主食叉燒大包6個x1元/個，真是抵食夾大件。你吾好小看和馨的例牌菜，其實是糕盤咁大，六人的份量足夠曬啦。美味一餐到七點，避開高峯求方便，不失爲一舉兩得。
天記酒樓
地址：白雲區西槎路滘北廣場621-627號(近回味雞)
電話：020-36491576
人均：40元起
搵食推介：太和燒雞、豬骨蓮藕煲
搵食辣評：
老店新址，面貌一新。環境很好，人氣旺盛，出品唔錯，菜式一般都是20—30元左右。六點到天記，只見寬闊的大廳已經坐得七七八八，人氣超旺，一陣間就座無虛席，生意很好。二個人細臺一張，香茗二位2元/位；太和燒雞 28元/只（特價），不好以爲平野無好野。雞嫩香脆骨都有味，可以自創品牌改爲“天記燒雞”，真是平野都有好野，簡直超值；豬骨蓮藕煲23元/煲，豬骨鮮味蓮藕粉香，豬骨蓮藕熬成湯不鹹不淡，清香甘甜；炒齋米粉18元/例，足斤夠碼簡直是中盤，不油不膩，爽軟適中，清香可口，真是抵食大件；慢斟酌，細品嚐。坐到九點埋單走人，花費74元（加打包飯合1元/個），可以講平、靚、正。天記很多都已經在變，但出品質量冇變，熱情的服務冇變，價錢好似都冇變？！
